As Trovas de Midas

Autora: Diana Varela Puñal

Ilustradoras: Verónica Sixto Salgado (D'Navalha) / Diana Varela Puñal

Xénero: Poesía infantil

Sinopse: [Nota da autora]

Sendo nena meus pais agasalláronme unha casete de audio cos meus contos preferidos. O éxito foi inmediato e non tardei en reclamar cintas e cintas que esmorecían fastiadas de tanto repetir unha e outra vez a mesma historia. Unha das máis aclamadas era a do Rei Midas: o avarento monarca falaba cun aquel nasal e queixumbroso do que gostaba especialmente. Lembro con nitidez os seus sentidos lamentos ó enxergar o desastre provocado pola cobiza. “Non, ti non, o meu cadeliño fiel…ti non…”, xemía desconsolado por telo convertido nunha estatua de ouro. Vinte anos despois, ó ver por primeira vez os ollos asustados do meu gato, souben que se chamaba Midas. Co paso do tempo e conforme collemos confianza, descubrino asemade coma un troveiro marabilloso coñecedor de centos de lendas e personaxes, que eu, simplemente me limitei a recompilar. Zoe é unha querida amiga súa que lle axuda no espectáculo cando saen de xira percorrendo vilas e aldeas.

Bisba a xente asegurando que alí por onde pasan, se de súpeto te detés nun rueiro solitario, paira a doce melodía de Midas.

Dispoñible en:

• Librarías especializadas
• Toupa.net - Cultura para levar

• Podes facer consultas ou pedidos a través do enderezo pedidos@galebook.net
• Ou compralo a través da nosa web con tarxeta de crédito ou paypal